کورونا پازیٹو مریض نے نرس پر چاقو سے کر دیا حملہ، مریض کی اس گھٹیا حرکت کے خلاف شکایت درج
ڈاکٹراور نرس اپنی جانوں کی پرواہ کیے بغیر دن رات مریضوں کے علاج میں لگے ہوئے ہیں تاکہ ان کی زندگیاں بچائی جاسکیں لیکن ڈاکٹروں پر حملے کے واقعات سے تمام ڈاکٹروں اور نرسوں کے حوصلے پست ہوسکتے ہیں کیونکہ جن مریضوں کے لئے وہ اپنی جان کی پرواہ نہیں کرتے اگر وہی مریض ان پر حملہ کر کے انہیں زخمی کر دیتا ہے تو ایسی صورت میں علاج کیسے ہوگا۔
ممبئی میں ایک طرف لوگ کورونا کی وبا سے پریشان ہیں تو وہیں دوسری طرف اس وبا کی قہر سے ڈاکٹر اور نرس اپنی جان پر کھیل کر لوگوں کی زندگی بچانے میں لگے ہیں۔ایسے حالات میں جنوبی ممبئی کے علاقے میں قائم ایک کووڈ سینٹر میں کورونا کے ایک مریض نے وارڈ میں ایک خاتون نرس پر چاقو سے حملہ کردیا۔
ملبار ہل پولیس اسٹیشن نے متاثرہ نرس کے بیان کی بنیاد پر ملزم کے خلاف آئی پی سی کی مختلف دفعات کے تحت مقدمہ درج کرکے مزید جانچ شروع کردی ہے۔
پولیس نے بتایا کہ جب ملزم سے پوچھا گیا کہ اس نے نرس پر چاقو سے حملہ کیوں کیا تو ملزم نے بتایا کہ کووڈ سینٹر میں ٹھیک سےعلاج نہیں ہورہا تھا۔ تاہم ملزم ابھی بھی کورنٹائن سینٹر میں ہے اس لئے اس کو گرفتار نہیں کیا گیا ہے۔
ڈاکٹراور نرس اپنی جانوں کی پرواہ کیے بغیر دن رات مریضوں کے علاج میں لگے ہوئے ہیں تاکہ ان کی زندگیاں بچائی جاسکیں لیکن ڈاکٹروں پر حملے کے واقعات سے تمام ڈاکٹروں اور نرسوں کے حوصلے پست ہوسکتے ہیں کیونکہ جن مریضوں کے لئے وہ اپنی جان کی پرواہ نہیں کرتے اگر وہی مریض ان پر حملہ کر کے انہیں زخمی کر دیتا ہے تو ایسی صورت میں علاج کیسے ہوگا۔
مہاراشٹرا میں 24 گھنٹوں کے دوران 67،468 نئے واقعات سامنے آئے ہیں۔ ایک دن میں 568 اموات ہوئی ہیں جبکہ ممبئی میں ایک دن میں 7،654 کیسیز اور 62 اموات ایک دن میں ہوئی ہیں۔
اموات کی شرح 1.54 فیصد ہے۔ حکومت کی جانب سے سہولیات میں اضافہ کرنے کا دعوی کیا جارہا ہےتو وہیں دوا اور آکسیجن کی کمی کااعتراف بھی کیا جارہا ہے۔
ایسے میں ہر شخص کو ایک دوسرے کے ساتھ تعاون اور مل کراس مصیبت کا سامنا کرنا چاہیے تاکہ اس لڑائی کو جیتی جا سکے۔
